اسٹیمکوسائنس گلوبل مقابلے؛ انارہ بہرام درانی نےگولڈ میڈل جیت کرپاکستان کا نام روشن کر دیا

مقابلہ 12 سے 17 فروری 2025 تک نیشنل یونیورسٹی آف سنگاپور میں منعقد ہوا

پاکستانی انارا بہرام درانی نےسنگاپورمیں منعقدہ سٹیمکوسائنس گلوبل مقابلوں میں گولڈمیڈل جیت کر پاکستان کو عالمی سطح پرنمایاںکیا،پاکستان بھرسےصرف 15 پاکستانی طلباء فائنلزتک پہنچے،جہاں انہوں نے 13ممالک کے 177 شرکاءکےخلاف مقابلہ کیا۔
اس سےپہلےپاکستان بھر سے 26000 طلباء نےمقابلےمیں حصہ لیا،جن میں سےصرف پندرہ پاکستانی طلباء بین الاقوامی مقابلے کے لئےجگہ بناسکے،پہلےمرحلےمیں پاکستان بھرسےانارا بہرام درانی نے گولڈ میڈل جیتا۔سنگا پور میں ہونے والےاسٹیمکو سائنس گلوبل مقابلوں میں بھی انارہ بہرام درانی نےگولڈ میڈل جیت کرپاکستان کا نام روشن کر دیا۔ یہ مقابلہ 12 سے 17 فروری 2025 تک نیشنل یونیورسٹی آف سنگاپور میں منعقد ہوا،مقابلے میں دنیا بھر کے نوجوان سائنسدانوں نے اپنی مہارت کا مظاہرہ کیا،یہ ایونٹ نوجوان ذہنوں کو سائنس اور جدت طرازی میں بہتری کی طرف راغب کرنے کا ایک اہم پلیٹ فارم ہے۔ان طلباء نے پاکستان میںانٹرنیشنل کینگرو سائنس مقابلےمیں بھی غیر معمولی کارکردگی کا مظاہرہ کیا تھا،سائنس میں لڑکیوں کی بڑھتی ہوئی نمائندگی انتہائی اہم ہے،اور انارا اس راستے کی پہلی روشن مثال ہیں۔