ضلع لیہ کا پہلاپنک گالا اپنی تمام تررنگینوں کو بکھیرتے ہوئے انمٹ یادوں کے ساتھ اختتام پذیرہوگیا
اختتامی تقریب میں ایڈیشنل ڈپٹی کمشنرجنرل شبیر احمدڈوگر،ڈسٹرکٹ سپورٹس آفیسرامتیاز احمدبھٹی،رہنماپاکستان مسلم لیگ ن سمعیہ عطاشہانی، ضلعی صدر پاکستان مسلم لیگ ن مہر اسلم سمرا،تحصیل سپورٹس آفیسرمرینہ رفیق،فوکل پرسن محکمہ تعلیم شاہینہ فریدملغانی،میڈیانمائندگان،خواتین،طالبات کی کثیرتعدادودیگر موجودتھے۔ اختتامی تقریب کاآغازتلاوت، پرچم کشائی سے کیاگیاجبکہ مصوری کے مقابلے،کرکٹ،رسہ کشی ودیگر مقابلے منعقدہوئے۔ ایڈیشنل ڈپٹی کمشنرجنرل شبیر احمدڈوگراس موقع پرگفتگوکرتے ہوئے کہاکہ ڈپٹی کمشنر امیرابیدار کی طرف سے پنک گالامنعقدکروانا ایک خواب تھاجسے آج عملی تعبیرمل گئی ہے انہوں نے کہا کہ پنک گالاکاانعقادایک چیلنج تھامگرجس طرح تمام محکموں نے اس کوبہترین طریقہ سے ادا کیاوہ یقیناقابل تعریف ہے۔اے ڈی سی جی نے کہاکہ پنک گالاجیسے تفریحی پروگرام خواتین کی خود اعتمادی میں اضافہ کرتے ہیں بلکہ صحت مند طرز زندگی کو فروغ دینے میں بھی اہم کردار ادا کرتے ہیں خواتین کے کھیلوں کا انعقاد ایک ایسا خوش آئند اقدام ہے جو خواتین کی معاشرتی ترقی کے لیے ایک مثبت قدم ثابت ہو سکتا ہے۔سمعیہ عطاءشہانی نے کہاکہ وزیراعلی پنجاب مریم نوازشریف خواتین کی معاشی ترقی و خوشحالی کے لیے نمایاں کردار ادا کررہی ہیں پنک گالاکاانعقاد اس سلسلہ کی عملی کڑی ہے لیہ کی پہلی خاتون ڈپٹی کمشنر امیرابیدار کی جانب سے خواتین کے لیے کھیلوں کا انعقادایک خوش آئند اقدام ہے ایسے اقدامات سے ماوں ،بہنوں،بیٹیوں کو اپنی صلاحیتوں کو منوانے کا موقع ملتا ہے جو انہیں زندگی کے دیگر شعبوں میں بھی آگے بڑھنے میں مدد دیتا ہے خواتین نے عالمی سطح پر کھیلوں میں نمایاں کامیابیاں حاصل کی ہیں اور کئی شعبوں میں ملک کا نام روشن کیا ہے۔ڈسٹرکٹ سپورٹس امتیاز احمدبھٹی نے کہاکہ محکمہ سپورٹس لیہ ڈپٹی کمشنر امیرابیدار کی زیرقیادت کھیلوں کے شعبے میں خواتین کی شمولیت کو بڑھانے کے لیے مختلف اقدامات اُٹھارہا ہے پنک گالاجیسے پروگرام میں کھیلوں کے مقابلے منعقد کروانے سے طالبات میں کھیلوں کے حوالے سے دلچسپی بڑھے گی اور ان کی صلاحیتیں نکھریں گی۔ضلعی صدر پاکستان مسلم لیگ ن مہر اسلم سمراءنے کہاکہ حکومت پنجاب خواتین کے کھیلوں کے فروغ کے لیے اہم اقدامات اُٹھارہی ہے کیونکہ معاشرتی ترقی اور مثبت تبدیلی کے لیے خواتین کی شمولیت ہر میدان میں ناگزیر ہے پنک گالاایک بہترین پروگرام تھااس سے علاقہ کی خواتین کی خوداعتمادی میں مزیداضافہ گا۔اس موقع پرپنک گالامیں حصہ لینے حصہ لینے والے کھلاڑیوں ، منتظمین کو انعامات وٹرافیاں دی گئیں۔
