بھارت نے واضح کیا ہے کہ پاکستان کے لیے طویل المدتی ویزا اور آفیشل یا سفارتی ویزا کی معیاد برقرار رہے گی جب کہ دیگر کیٹیگری کے ویزا کی مدت آج ختم ہوجائے گی۔
بھارتی میڈیا کے مطابق بھارت کی جانب سے پاکستانیوں کو 16 کیٹیگریز میں ویزا جاری کیے جاتے ہیں جن میں سے 2 کیٹیگریز کی معیاد بلامذہبی تفریق منگل کے بعد بھی برقرار رہے گی۔بھارت سے ایک پاکستانی سفارت کار اور عملے کے 7 ارکا ن بذریعہ واہگہ بارڈر وطن واپس پہنچ گئے
دوسری جانب پہلگام واقعہ کے بعد حریت پسندوں کے گھر اسرائیلی کی طرز پر گرائے جانے کا سلسلہ بھی بھارت کو بند کرنا پڑگیا۔مقبوضہ کشمیر کی حکمران جماعت نیشنل کانفرنس سمیت دیگر علاقائی جماعتوں کے شدید احتجاج اور وادی بھر میں بھارتی حکومت کے خلاف کشمیریوں کی بغاوت کا خدشہ ہونے کے سبب حریت پسندوں کے گھر گرانے کا عمل پیر کو روک دیا گیا ہے۔تاہم حریت پسندوں کے عزیز و اقارب کو گرفتارکرنے کی کارروائیاں بڑھا دی گئی ہیں۔
