امریکہ اور چین کے درمیان ٹیرف کی جنگ شدت اختیار کر گئی ہے اور اب امریکہ نے چین پر 104 فیصد ٹیرف عائد کرنے کا اعلان کر دیاہے ۔
ترجمان وائٹ ہاوس کیرولین لیویٹ کے مطابق چین کے خلاف 104 فیصد ٹیرف بدھ سے نافذ ہو گا، چین کا ٹیرف پر جوابی کارروائی کرنا غلطی تھی ، چین امریکہ کیساتھ معاہدہ چاہتاہےلیکن یہ نہیں جانتا کیسے کرنا ہے، معاہدے کے لیے چین کا انتظار کر رہے ہیں ۔کیرولین لیویٹ کا کہناتھا کہ چین معاہدہ کرے تو صدر ٹرمپ ناقابل یقین حد تک مہربان ہوں گے، صدرٹرمپ نے بیجنگ کومنگل تک امریکی سامان پرجوابی ڈیوٹی ختم کرنےکی ڈیڈلائن دی تھی ، صدرٹرمپ نے ڈیوٹی ختم نہ کرنے پر چین پر ٹیرف میں مزید 50 فیصد اضافے کی دھمکی دی تھی۔
