پاک سعودیہ تجارتی حجم 546 ملین ڈالر سے بڑھ کر 700 ملین ڈالر تک پہنچ گیا
خصوصی سرمایہ کاری سہولت کونسل ایس آئی ایف سی کی معاونت سے سعودی عرب کے ساتھ تجارتی تعلقات میں اضافے سے ملکی معیشت بہتری کی جانب گامزن ہے۔پاکستان کی سعودی عرب کو برآمدات میں 22 فیصد اضافہ ریکارڈ کیا گیا، تجارتی حجم 546 ملین ڈالر سے بڑھ کر 700 ملین ڈالر تک پہنچ گیا۔سعودی سرمایہ کاروں کی پاکستان کے توانائی، زراعت، آئی ٹی اور تعمیراتی شعبوں میں سرمایہ کاری کرنے میں دلچسپی کا اظہار کیا ہے۔ پاک سعودی عرب آئی ٹی خدمات کی برآمدات 50 ملین ڈالر سے بڑھا کر 100 ملین ڈالر تک پہنچانے کا ہدف مقرر کیا گیا ہے۔سعودی عرب کی جانب سے پاکستانی آئی ٹی کمپنیوں کی رجسٹریشن کے عمل میں سہولت کاری کے لیے ہیلپ ڈیسک قائم کیا گیا۔ معروف سعودی فوڈ چین "البیک” کا پاکستان میں اپنی برانچز کھولنے کا اعلان کیا ہے، جس سے روزگار کے مواقع متوقع ہیں۔ ایس آئی ایف سی کے تعاون سے سعودی عرب کے ساتھ تجارتی تعلقات کا فروغ اقتصادی روابط میں استحکام کا ضامن ہے۔
