یوم پاکستان پریڈ محدود پیمانے پر روایتی جوش وجذبے سے منانے کا اعلان کردیا گیا۔ تقریب میں غیرملکی سفرا اور دیگر اہم شخصیات کوبھی مدعوکیا گیا ہے۔
ذرائع کے مطابق 23 مارچ کی پریڈ محدود پیمانے پر روایتی جوش وجذبے سے منعقد ہوگی، پریڈکو محدود پیمانےپر منعقد کرنے کا فیصلہ رمضان کے باعث کیا گیا ہے۔یوم پاکستان پریڈایوان صدر کے احاطے میں منعقد کی جائے گی، پریڈ میں بدستور تینوں مسلح افواج کے دستے بھرپورشرکت کریں گے، صدرمملکت یوم پاکستان کی تقریب کےمہمان خصوصی ہوں گے۔پریڈ میں مسلح افواج کے دستے مہمان خصوصی کو سلامی پیش کریں گے، پاک فضائیہ کے لڑا کا طیارے بھی ایوان صدر کے سامنے فلائی پاسٹ کریں گے، پریڈمیں پاکستان آرمی کا ‘پائپ اینڈپرکشن بینڈ’ فن کا مظاہرہ بھی کرے گا۔
تفصیلات کے مطابق یومِ پاکستان پریڈمحدود پیمانے پر روایتی جوش وجذبے سے منانے کا اعلان کردیا گیا۔
23 مارچ کو پریڈ ایوان صدر کے احاطےمیں منعقد کی جائےگی، صدر آصف زرداری تقریب کےمہمان خصوصی ہوں گے.پریڈ میں مسلح افواج کے دستے مہمان خصوصی کو سلامی پیش کریں گے اور پاک فضائیہ کے لڑاکا طیارے ایوان صدرکےسامنے فلائی پاسٹ کریں گے تاہم تقریب میں غیرملکی سفیروں اور دیگر اہم شخصیات کو بھی مدعو کیا گیا ہے۔
گذشتہ روز پاکستان ڈے کے موقع پر 23مارچ کی مناسبت سے جوش، جذبے اور یکجہتی سے بھرپور حب الوطنی کا نیا ترانہ پیش کیا گیا تھا، اس خصوصی نغمے کے خوبصورت بول ’پاکستان، قوسِ قزح کے رنگ‘ہمارا عشق، ہمارا پیار۔ صرف پاکستان‘ہیں۔
خیال ہے ہر سال 23 مارچ کو یوم پاکستان تاریخی دن کے طور پر منایا جاتا ہے، اس جشن میں سب سے آگے جوائنٹ سروسز پاکستان ڈے پریڈ ہے، یہ ایک ایسی تقریب ہے جو قوم کے جوش و جذبے کو متحد کرتا ہے، 1956 سے 2022 تک پھیلے ہوئے ایک تاریخی سفر میں ہمارے ساتھ شامل ہوں کیونکہ اس شاندار پریڈ کے ارتقاء کی تاریخ بھی اتنی ہی شاندار ہے۔
