آرمی چیف جنرل عاصم منیر سے بحرین کے کمانڈر نیشنل گارڈ کی ملاقات ہوئی ہے۔ دونوں ممالک کے درمیان دفاعی تعاون بڑھانے اور خطے کی سلامتی پر تبادلہ خیال کیا گیا۔
آئی ایس پی آر کے مطابق بحرین کےکمانڈر نیشنل گارڈ جنرل شیخ محمد بن عیسیٰ بن سلمان الخلیفہ نے آرمی چیف سے جی ایچ کیو میں ملاقات کی، جس میں دونوں ملکوں میں فوجی تعاون مضبوط بنانے ، باہمی دلچسپی کے امور اور علاقائی سیکیورٹی پر بات چیت ہوئی۔آرمی چیف نے مشترکہ سیکیورٹی چیلنجز سے نمٹنے کی اہمیت اور خطے میں امن و استحکام کے فروغ کے لیے تعاون بڑھانے پر زور دیا ۔ معزز مہمان نے پاکستانی مسلح افواج کی پیشہ ورانہ صلاحیتوں اور دہشت گردی کیخلاف جنگ میں غیرمتزلزل عزم کو سراہا۔
